လွမ်းတယ်၊ဘယ်တော့မှပြန်မရတဲ့ ငယ်ဘ၀လေးရယ်
ဗျောက်အိုးဖောက်သံများကြားနေရပြီ…
လမ်းမတွေပေါ်မှာကလေးငယ်တွေပျော်ရွှင်လို့၊သတင်းကျွတ်တော့မယ့်ရနံ့ကိုကျနော်တို့စတင်ရနေပါပြီ၊ မီးပုံးလေးတွေစတင်ရောင်းချနေကြပြီ၊တရုတ်နိုင်ငံကထုတ်တဲ့လျှပ်စစ်မီးရောင်စုံမီးတန်းတွေကဒီဘက်ပိုင်းမှာ ပိုခေတ်စားလာတယ်၊ပလပ်စတစ်အပါးနဲ့လုပ်ထားတဲ့မီးပုံးပျံတွေကလည်းပေါမှပေါ။ဒိုးပတ်၊အိုးစည်ဝိုင်းတွေ ကတော့ရှားပါးလို့၊ရိုးရာဂီတနေရာမှာ ဒီဂျေတွေနေရာယူလို့၊စီဒီနဲ့ဖွင့်ထားတဲ့ဆောင်းဘောက်ကြီးတွေကို ကားပေါ်တင်လို့၊ကလေးငယ်တွေဆော့တဲ့မီးရှုးမီးပန်းတွေကအစ တရုတ်တံဆိပ်နဲ့ဗျ။
ကျနော်တို့ကလေးဘ၀တုန်းကတော့…ဒီလိုဆော့စရာမပေါများဘူး၊ဗောက်အိုးဖောက်ဖို့စမုတ်တံနဲ့သံကို ကြိုးစားပန်းစားလုပ်ရတာ၊သားရေကွင်းနဲ့စမုတ်တံမှာသံချောင်းကိုချည်၊စမုတ်တံခေါင်းထဲမီးခြစ်ဆံကယမ်း မှုန့်လေးတွေထည့်၊သံချောင်းနဲကပိတ်၊ပြီးမှအမာခံတစ်ခုပေါ်ထုချ၊ဗောက်အိုးသံလေးကြားရဖို့အဲ့သလိုကြီုး စားခဲ့ရတာ၊ဗောက်အိုးသံအကျယ်ကြီးကြားချင်တော့ထီးရိုးကိုတစ်လက်မလောက်အပိုင်းလေးတွေပိုင်းပြီး အဲ့ဒီအထဲကိုမီးခြစ်ဆံယမ်းမှုန့်လေးတွေထည့်ပြန်ပိတ်၊စင်လေးတစ်ခုပေါ်မှာတင်ထား၊အောက်ကနေဖရောင်း တိုင်မီးနဲ့မြှိုက်၊ခပ်ဝေးဝေးကနေကြည့်နေ၊ခဏကြာတော့ အုံး ကနဲထပေါက်ကွဲ၊အန္တရယ်တော့အများသား၊ ဒီလိုကြံဖန်ပျော်ခဲ့ကြရတာပေါ့။
ရောင်စုံမီးပုံးလေးတွေကလည်းဈေးကြီးတော့ရွှံ့လေးတွေကိုအပြားလေးတွေလုပ်၊ဗာဒံရွက်ကလေးတွေကို ဘေးကကာလို့အလည်မှာဖရောင်းတိုင်တွေထွန်းကြ၊လူကြီးတွေကဆီမီးခွက်တွေထွန်းလို့၊တစ်ချို့ကတော့ ဆီစိမ်စက္ကူလေးတွေဝယ်ပြီးငှက်ရုပ်လေးတွေလုပ်လို့အလှမီးပုံးတွေထွန်းကြပေါ့။
သတင်းကျွတ်ဟာသာသာယာယာရှိတာများပေမယ့် တစ်ခါတလေမိုးကဖျက်တတ်သေးတယ်၊ဖရောင်းတိုင် တွေကိုအိမ်ခြံစည်းရိုး၊လှေခါး၊ခါးပန်း၊မီးဖို၊ဘုရားစင်တွေမှာထွန်းလို့၊လူကြီးတွေကိုမေးတော့မြတ်စွာဘုရား တာဝတိံသာနတ်ပြည်ကနေလူ့ပြည်ကိုပြန်ဆင်းတဲ့အတွက်မီးပူဇော်တာလို့ပြောကြတယ်။
ကျနော်တို့ငယ်ငယ်ကသီတင်းကျွတ်ဆိုရင် တေးသရုပ်ဖော်တွေခေတ်စားတယ်၊သီချင်းတွေ၊ဇာတ်လမ်းတွေကို ဖွင့်ထားပြီးသရုပ်ဆောင်ကြတာပေါ့၊ရပ်ကွက်တိုင်းမှာစင်တွေထိုးပြီး တစ်ရပ်ကွက်နဲ့တစ်ရပ်ကွက် အပြိုင်အဆိုင် ကကြတာလေ၊ကိုယ့်ပိုက်နဲ့ကိုယ်မင်းသားဖြစ်သူဖြစ်၊မင်းသမီးဖြစ်သူဖြစ်၊သူကြီးဖြစ်သူဖြစ်၊လူကြမ်းဖြစ်သူဖြစ်၊ အဲဒီတုန်းက ငယ်ကျွမ်းဆွေသီချင်းကခေတ်စားလွန်းသပ။
အိမ်မှာမုန့်တွေလုပ်ကြ၊ဒေသထွက်ကောက်ညှင်းဆန်နဲ့လုပ်တဲ့မုန့်တွေကိုဘုရားမှာကပ်၊သံဃာတော်တွေကို လောင်းလှု၊ပြီးရင်အိမ်နီးနားခြင်းတွေကိုဝေလို့ပျော်စရာပေါ့၊မြို့ဦးစေတီတော်မှာ သီတင်းကျွတ်လပြည့်ဆွမ်း တော်ကြီးကပ်လှုဖို့ မနက်အစောကြီးကတည်းက တစ်မြို့လုံးကိုပါတ်ပြီး ဆွမ်းအလှုခံကြတာလည်းပျော်စရာ၊ လှုလိုက်ကြတဲ့ဆွမ်း၊သစ်သီး၊မုန့်တွေကို စေတီတော်မြတ်ကြီးမှာဆွမ်းတော်ကြီးကပ်လှုကြပေါ့။
မြို့မှာရှိတဲ့ဘုန်းတော်ကြီးကျောင်းအသီးသီးကလည်း သူတို့ကျောင်းတွေမှာ ဆွမ်းတော်ကြီးကပ်လှုဖို့ အလှုခံ မဲလိပ်ကလေးတွေလိပ်ပြီးအလှုခံဝကတယ်၊မှတ်မိသေးတယ်ဗျာ၊မဲလိပ်ကလေးတွေမှာရေးထားတာက
သဒ္ဒါမုန့်နဲ့ဖရောင်းတိုင် တဲ့
လွမ်းတယ် ဘယ်တော့မှပြန်မရတဲ့ ငယ်ဘ၀လေး ရယ်
သော်ဇင်အုန်း
