Monday, November 5, 2012
စွန့်လွှတ်ခဲ့ရတဲ့အလုပ်ကလေးတစ်ခု
ကျွန်တော် ၄တန်းကျောင်းသားဘ၀က အဖြစ်အပျက်လေးပါ-
ကျွန်တော်တို့အိမ်ရဲ့မျက်စောင်းထိုးမှာအဖေ့သူငယ်ချင်းအိမ်ရှိပါတယ်။သူတို့အိမ်မှာမိသားစုတနိုင်ဇီးထုပ်လုပ်
ငန်းလေးရှိပါတယ်။ကျောင်းပိတ်ရက်တွေမှာကျနော်လည်းသူတို့အိမ်အလည်သွားရင်း ဇီးထုပ်တွေကို ကူထုပ်
ပေးခဲ့ပါတယ်။တနေ့အဖေ့သူငယ်ချင်းက -
“သား ဇီးထုပ်တွေကိုကျောင်းမှာယူရောင်းပါလား
သားမုန့်ဖိုးရတာပေါ့၊ဦးကရောင်းရတဲ့အပေါ်မူတည်ပြီးသားကိုမုန်ကိုမုန့်ဖိုးပေးမယ်လေ”
လို့ပြောပါတယ်။
ကျွန်တော်လဲသူပြောတာလက်ခံပြီး အတန်းထဲမှာ ဇီးထုပ်တွေရောင်းပါတယ်။
“ဇီးထုပ်က ဆေးသကြားမပါတော့စားလို့ကောင်းပါတယ်”လို့ဆရာမတွေကပြောပါတယ်။
ကျွန်တော့်ဇီးထုပ်တွေကို ၃တန်း၊၂တန်း၊၁တန်း၊သူငယ်တန်းတွေကလဲဝယ်စားခဲ့ကြပါတယ်။
ဇီးထုပ်ရောင်းကောင်းတော့ ကျနော်လဲမုန့်ဖိုးများများရတာပေါ့။ဒီလိုနဲ့ တစ်လလောက်ကြာတဲ့နေ့တနေ့မှာ
အတန်းပိုင်ဆရာမကကျွန်တော်ကိုပြောပါတယ်။ပြောနေတုန်းဆ၇ာမမျက်နှာကစိတ်မကောင်းဖြစ်နေပုံပါ။
သူပြောတာအများကြီးပါ-ဆိုလိုရင်းကတော့
“ကျောင်းမှာဈေးရောင်းဖို့ ကျောင်းဈေးတန်းကဈေးသည်တွေကိုပဲခွင့်ပြုထားတာ၊
သူတို့ကလွဲပြီးဘယ်သူမှကျောင်းမှာဈေးရောင်းခွင့်မရှိဘူး”ဆိုတာပါပဲ။
ကျွန်တော်လဲစိတ်မကောင်းစွာနဲ့ပဲ ဇီးထုပ်ရောင်းတဲ့အလုပ်ကိုစွန့်လွှတ်ခဲ့ရပါတယ်။ ။
(သော်ဇင်အုန်း)
Subscribe to:
Post Comments (Atom)
No comments:
Post a Comment